话说我搬左屋之后，就无网络，所以好多野想写都无得写。前两日因为E间烂鬼屋突然发现原来我有去参加攀爬比赛0既资格。

当日我只monster去左学校吓人， 我自己系屋企， 执执下野突然醒起个日收垃圾，于是就出去睇下距地收左垃圾未，来5来得切放多袋出去啦～

点知当我行左出门，2秒都5够，梆一声个门就关左啦！

此时的我着住粉红色芭蕾舞裙， 黑色蕾丝袜， 加埋绑好晒D头发， 完完全全就一个lady的模样， 就差对拖鞋未换姐～～

手机，系楼上，锁匙，系楼上，房东，N年都5出现一次，屋友，我一个人霸晒成间屋啦～甘点算啊！！！

我房间0既窗系开住0既，就对住路边，于是敲隔离门睇下距地有无梯或者点啦～

点知两边都无人～有D绝望的时候见到有个阿婶路过，问距可5可以帮我报警或者点～距话我无电话啊！

乜野年代！竟然有人无电话！！！

呜～跟住距话，甘你唯有等你邻居返来啦～

阿婶，隔离有无人住都系一个问题啊！从来都无见过距地有灯开！（虽然我多数时间都5系屋企）

甘无办法啦，唯有爬上去啦！

好彩我门边有个装饰架，即系好多个交叉甘0既，之但系装饰架就系装饰咖之嘛，无预俾人爬0既～

摇一摇，哇，都好鬼松窝～脱下我对拖鞋，lace袜，

踩住一楼个窗台，踏上recycle垃圾桶，啪一声凹左入去～睇来我都5系甘轻盈～

跟住踩上个架，扶住门边D花纹同二楼窗台，用尽我N年无用过0既吃奶之力同一样N年无用力过0既鸡肉～

好不容易爬上二楼窗台...唉，索返啖气先，全身鸡肉开始自震（地球会自转，joyce D 鸡肉会自震）

再颤抖着爬上我个窗...safe~

我觉得我可以去参加奥运啦～绝对勇夺金牌～

我要多谢我阿妈，生到我甘细粒，如果5系个个架肯定支撑5到，跌断晒我D老骨头～

我要多谢我老豆，细个喂错奶粉俾我吃，搞到我消化不良生5肥，如果5系，同上～

我要多谢我高中体育老师，如果5系距逼我运动，800米跑5完死都要我行完，我D鸡肉会更无用～

得闲post我间屋门口张相俾大家参详下我0既行军路程～